History Mirror of the Past

எல்லாப் பண்டைய நாகரிகங்களுக்கும் பெருமைகள் பல உண்டு. இதில் தனித்துவம் மிக்க பண்டைய நாகரிகங்களில் ஒன்று, கிரேக்க நாகரிகம். இன்றைய ஐரோப்பிய கலாசாரத்துக்கு அடிப்படையாக, கிரேக்க நாகரிகமே கருதப்படுகிறது. ஆசியா மைனர் தீபகற்பத்தின் மேற்கே அமைந்திருந்த பண்டைய கிரேக்க நாட்டிற்கு, ஹெல்லாஸ் அல்லது எல்லாடா என்று பெயர். இதை கிரேக்க நாடு என்று குறிப்பிட்டாலும், நூற்றுக்கணக்கான தனித்தனி நாடுகளின் தொகுப்பாகவே இருந்தது. 2,823 ஆண்டுகள் கொண்ட கிரேக்க நாகரிகத்தை, மூன்று முக்கிய காலகட்டங்களாகப் பிரிக்கலாம். ஆர்காய்க் காலம் - (கி.மு. 800- –  கி.மு. 508) ஆசியா மைனர் பகுதியின் மேற்கில், கிரேக்கக் காலனிகள் உருவாயின. மக்கள்தொகை அதிகரிக்கவே, அருகில் உள்ள நிலப்பரப்புகளுக்கு இடம்பெயர்ந்து, நகரங்களை உருவாக்கி வாழத் தொடங்கினர். வெவ்வேறு பகுதிகளிலும் கலாசாரங்கள் செறிவுற்று, பல்வேறு நகரம் சார்ந்த அரசியல் அமைப்புகள் உருவாக்கப்பட்டன. ஒலிம்பிக் விளையாட்டுப் போட்டிகள் தொடங்கப்பட்டன. ஹோமரின் இதிகாச இலக்கியங்கள் படைக்கப்பட்டது எல்லாம் ஆர்காய்க் காலத்தில்தான். கி.மு. 490 – 480க்கு இடைப்பட்ட காலகட்டத்தில், பாரசீக மன்னர...

திருட்டால், இரு குடும்பங்களுக்கு இடையே சண்டை வந்து பார்த்திருப்போம். ஏன் இரு ஊர்களுக்கும் இடையேகூட சண்டை மூண்டிருக்கும். ஆனால், இரு நாடுகளுக்கு இடையே பெரும் பகை தோன்றக் காரணமாக அமைந்துவிட்டது என்று சொன்னால், நம்ப முடிகிறதா? ஆம், ஒரு நகை திருட்டுச் சம்பவம், செளதி அரேபியா மற்றும் தாய்லாந்து இடையே 20 ஆண்டுகளாக, தீராப் பகையை ஏற்படுத்தியிருக்கிறது. 1989ல், செளதி அரேபிய அரச குடும்பத்தைச் சேர்ந்த, ஃபைசல் இப்னு ஃபஹத் என்ற இளவரசரின் வீட்டில், தாய்லாந்து நாட்டைச் சேர்ந்த டெக்காமோங் என்பவர், வீட்டு வேலை செய்துகொண்டிருந்தார். ஒருநாள், அரச குடும்ப நகைகளைத் திருடிக் கொண்டு, நாட்டை விட்டு ஓடிவிட்டார் அந்த டெக்காமோங். அவர் திருடிச் சென்ற நகைகளின் எடை 90 கிலோ. அவற்றுள் விலை மதிப்புமிக்க நீல வைரமும் அடக்கம். குற்றவாளியைக் கைது செய்த தாய்லாந்து அரசு, டெக்காமோங்கிடம் இருந்து நகைகளைப் பறிமுதல் செய்து, செளதி இளவரசருக்கே மீண்டும் அனுப்பி வைத்தது. ஆனால், நகையைச் சரிபார்த்த இளவரசருக்கு, அதிர்ச்சியோ அதிர்ச்சி. பெரும்பாலும் போலி நகைகளே அனுப்பப்பட்டிருந்தன. மேலும், விலையுயர்ந்த நீலக்கல் வைரத்தையும் காணவில்லை...

* உலகிலேயே அதிக எண்ணெய் வளம் கொண்ட நாடு செளதி அரேபியா. * இஸ்லாமிய மதம் மற்றும் அதன் புனிதத் தலங்களான மெக்கா, மதீனா ஆகியவற்றுக்காகவும் புகழ்பெற்றது. * செளதி அரசர், ‘இரண்டு புனித பள்ளிகள் பாதுகாவலர்’ என்றும் அழைக்கப்படுகிறார். * செளதி அரேபியாவின் எல்லைப்புறங்களாக, ஜோர்டான், ஈராக், குவைத், கத்தார், பஹ்ரைன்,  ஐக்கிய அரபு அமீரகம், ஓமன், ஏமன் போன்ற நாடுகள் உள்ளன. * 1400 ஆண்டுகளுக்கு முன் வரை, செளதி ஒரே நாடாக இருக்கவில்லை. * 7ம் நூற்றாண்டில் மக்காவில் பிறந்த முகம்மது நபி, அரேபிய தீபகற்பத்தை ஒரே குடையின் கீழ் கொண்டு வந்து ஆட்சி அமைத்தார். * 1517ம் ஆண்டில், ஒட்டோமான் பேரரசு, செளதி அரேபியாவை தமது ஆட்சியின் கீழ் இணைத்தது. * 18ம் நூற்றாண்டில் வாழ்ந்த இப்னு சவூத் என்பவர், மதச் சீர்திருத்தவாதியான இப்னு வஹாப் என்பவருடன் கூட்டணி அமைத்தார். 1744ல், ரியாத் நகரை கைப்பற்றிய சவூத், அங்கு ஆட்சி அமைத்தார். இதுவே, முதல் செளதி தேசம் என்று அழைக்கப்படுகிறது. * சவூத்தின் மறைவைத் தொடர்ந்து, அவருடைய பிள்ளைகள் ஆட்சிப் பொறுப்பேற்று, ஒட்டோமான் பேரரசுக்கு எதிராக போரிட்டு வந்தனர். * முதலாம் உலகப்போரில், ஒ...

நாடோடிகளாகவும், மூர்க்கமான கொள்ளையர்களாகவும் வாழ்ந்த மங்கோலிய இன மக்களை செங்கிஸ்கான் ஒருங்கிணைத்து, மாபெரும் மங்கோலிய பேரரசை உருவாக்கினார் என்று ஏற்கனவே படித்தோம். மங்கோலிய பேரரசு ஐரோப்பிய, ஆசிய பகுதிகளை உள்ளடக்கியிருந்தது. அந்த அரச மரபில் வந்த செங்கிஸ்கானின் பேரன் குப்லாய்கான், வரலாற்று முக்கியத்துவம் வாய்ந்த யுவான் அரச மரபை தோற்றுவித்தவர். பேரரசன் செங்கிஸ்கானின் விருப்பத்திற்குரிய இளையமகனான தொலுய் என்பவரின் மகன்தான் குப்லாய். சிறுவயது தொட்டே, வில் எய்துவதிலும், குதிரை ஏற்றத்திலும் திறன் படைத்தவராக குப்லாய் இருந்தார். பவுத்த மதத்தை ஆழ்ந்து படித்தார். குப்லாய் கானுக்கு மங்கோலியப் பேரரசின் ஆளுகைக்கு உட்பட்டிருந்த வடசீனாவின் ஒரு சிறு பகுதியை, ஆட்சி செய்யும் பொறுப்பு வழங்கப்பட்டிருந்தது. குப்லாய்க்கு 30 வயதாக இருக்கும்போது, அவரது மூத்த சகோதரர் மாங்கே, மங்கோலியப் பேரரசின் கானாக ( பேரரசனாக) பொறுபேற்றார். இதையடுத்து, வடசீனா முழுவதையும் ஆட்சி செய்யும் பொறுப்பை குப்லாய்க்கு, மாங்கே வழங்கினார். மேலும், தென் சீனாவை ஆண்டுவந்த சாங் அரசு மீது போர் தொடுத்து, அதை கைப்பற்றும்படியும் குப்லாயின் அண்...

எழுத்துப் பூர்வமாக இருக்கும் சட்டங்களில், நமக்குக் கிடைத்திருக்கும் மிகப் பழமையான சட்டத் தொகுப்பு, 4000 ஆண்டுகளுக்கு முன் வாழ்ந்த பேரரசர் ஹம்முராபி இயற்றிய சாசனம்தான் (ஹம்முராபி சட்டங்கள்: Hammurabi's Code). அமெரிக்காவின் தலைமைச் செயலகத்திலும், உச்ச நீதிமன்றத்திலும், ஹம்முராபியின் சட்ட பங்களிப்புக்கு மரியாதை செய்யும் வகையில், அவரது புகைப்படங்கள் மாட்டப்பட்டுள்ளன.  உலக நாகரிகத்தின் தொட்டில் என்று அழைக்கப்படும் மெசொப்பொத்தேமியா பகுதியில் இருந்த பாபிலோனிய தேசத்தில், கி.மு., 1810ல் (ஏறத்தாழ 4,000 ஆண்டுகளுக்கு முன்) ஹம்முராபி பிறந்தார். அன்றைய மெசொப்பொத்தேமியா, இன்றைய தென்மேற்கு ஆசியப்பகுதிகளான ஈராக், குவைத், தென் சிரியா உள்ளடக்கியிருந்தது. ஹம்முராபியின் இளமைக்காலத்தில், அவருடைய தந்தையும், பாபிலோனிய மன்னருமான சின்- முபல்லித்தை பார்த்து ஆட்சி நிர்வாகத்தை எப்படி நடத்துவது என்று கற்றுக்கொண்டார். 18 வயதாக இருக்கும்போது, அவருடைய தந்தை நோய்வாய்ப்பட்டு இறக்கவே, பாபிலோனிய மன்னராக ஹம்முராபி பொறுப்பேற்றுக் கொண்டார். ஹம்முராபி மன்னராகும்போது, பாபிலோனியா தேசம் மிகவும் சி...