History Mirror of the Past

வைக்கிங்ஸ் (Vikings) இந்த பெயரைக் கேட்டாலே இன்றளவும் பிரிட்டன், பிரான்ஸ் உள்ளிட்ட நாடுகளின் மக்கள் அரண்டு போவார்கள். காரணம், வைக்கிங்குகளின் காட்டுமிராண்டித்தனமான அராஜகங்கள் அத்தகையது. கி.பி. 800களிலிருந்து, 11ம் நூற்றாண்டு, ஒரு கூட்டம் வடஜெர்மனியின் ஸ்காண்டிநேவியாவிலிருந்து செல்வங்களை தேடி புறப்பட்டனர். இவர்கள்தான் வரலாற்றில் ‘வைக்கிங்குகள்’ அல்லது நார்டிமென்கள் என்று அழைக்கப்படுகிறார்கள். ‘வைக்கிங்குகள்’ என்றால் கடற்கொள்ளையர்கள் என்று பொருள். இவர்கள் மூன்று நூற்றாண்டுகள், ஐரோப்பாவின் பிரிட்டன், ஸ்காட்லாந்து மற்றும் பிரான்சின் பல்வேறு பகுதிகளிலும் தாக்குதல் நடத்தி செல்வங்களை கொள்ளையடித்தனர்.வைக்கிங்குகளின் இந்த தாக்குதல் இரண்டு காரணங்களால் உந்தப்பட்டன. முதலாவது, வட ஐரோப்பாவில் பிரிட்டன், பிரான்ஸ் உள்ளிட்ட நாடுகள், 9 நூற்றாண்டில் வளர்ச்சியடைந்த நிலையில் இருந்தது. அங்கு சென்று தாக்குதல் நடத்திய சில வைக்கிங்குகள் செல்வ செழிப்புடன் இருப்பதைக் கண்டு, தாங்களும் இதுபோன்று ஆக வேண்டும் என்று மற்ற வைக்கிங்குகளுக்கும் ஆசை ஏற்பட்டது. இரண்டாவது, அவர்களின் கப்பல் கட்டும் தொழில்நுட்பம். வைக்கிங்...

அமெரிக்காவில் வாழ்ந்த பூர்வகுடி மக்களில் ஓர் இனம் செரோக்கி (Cherokee). ஐரோப்பாவில் இருந்து அமெரிக்காவிற்குச் சென்று குடியமர்ந்தவர்கள், அங்கு காலனிய ஆட்சியை ஏற்படுத்தி, அமெரிக்க பூர்வகுடிகளை அவர்களின் சொந்த இடங்களிலிருந்து வெளியேற்றினர் என்று நமக்குத் தெரியும். அந்த வகையில், 19ம் நூற்றாண்டில் பூர்வகுடிகளான செரோக்கி இனத்தவரையும் வெளியேற்ற முயற்சிகள் மேற்கொள்ளப்பட்டன. இவர்கள் ஜார்ஜியா, தென் கரோலினா ஆகிய பகுதிகளில் கணிசமாக வாழ்ந்தனர். செரோக்கி இனத்தவர்கள், புதிய தொழில்நுட்பங்களை அங்கீகரிப்பதில்லை, நவீன வளர்ச்சிக்குத் தடையாக உள்ளனர் என ஆட்சியாளர்கள் கருதினர். இதற்கான முயற்சிகள் மேற்கொள்ளப்பட்ட நிலையில், வழக்கு சுப்ரீம் கோர்ட்டுக்குச் சென்றது. வழக்கை விசாரித்த நீதிபதி, ஜார்ஜியாவில் செரோக்கிகள் தங்கிக்கொள்ள அனுமதி அளித்தார். அதன் பின்னர் சில ஆண்டுகளில், செரோக்கி இனத்தைச் சார்ந்த சிறு குழு ஒன்று, அந்தத் துரோகத்தைச் செய்தது. ஆம், செரோக்கிகளை வெளியேற்ற அமெரிக்க அரசுக்கு உரிமை உள்ளது என்று உடன்படிக்கையில் கையெழுத்திட்டனர். இதையடுத்து, 1830ல், பூர்வகுடி மக்களை வெளியேற்ற, அரசுக்கு அதிகாரம் வழங்கி...

26வது அமெரிக்க அதிபராக இருந்தவர் தியோடர் ரூஸ்வெல்ட். எழுத்தாளர், போர்வீரர், இயற்கை நேசர் என்று இவருக்குப் பல்வேறு முகங்கள் உண்டு. 1901 லிருந்து 1909 வரை, அமெரிக்க அதிபராகப் பொறுப்பு வகித்தார். இந்நிலையில், அக்டோபர் 14, 1912ல் தியோடர் ரூஸ்வெல்ட் சுடப்பட்டார். அவர் நெஞ்சில் துப்பாக்கிக் குண்டுகள் பாய்ந்தபோது, அவர் மக்களிடையே ஆவேசமாக உரையாற்றிக் கொண்டிருந்தார். ரூஸ்வெல்ட்டின் நெஞ்சிலிருந்து ரத்தம் வழிந்ததைக் கண்டு பதறிய பாதுகாவலர்கள், அவரை மருத்துவமனைக்குக் கொண்டு செல்ல முயன்றனர். ஆனால், அதை ரூஸ்வெல்ட் மறுத்துவிட்டார். உரை நிகழ்த்தி முடிக்கும்வரை தன்னால் மருத்துவமனைக்கு வரமுடியாது என்று உறுதியாகக் கூறிவிட்டார். ‘நண்பர்களே, எவ்வளவு முடியுமோ அவ்வளவு அமைதி காக்க வேண்டும் என்று கேட்டுக்கொள்கிறேன். நான் சுடப்பட்டுள்ளேன் என்பது உங்களில் எத்தனை பேருக்குப் புரிந்திருக்கும் என்பது எனக்குத் தெரியாது’ என்றுதான் தன் பேச்சை அவர் தொடங்கினார். பிறகு தனது சட்டை உள் பாக்கெட்டிலிருந்து உரை குறிப்புக் காகிதம் ஒன்றை எடுத்து, அவருக்கு முன்னால் அமர்ந்து உரையைக் கேட்டுக்கொண்டிருந்த மக்களிடம் காட்டினார். ரத்தம...

கி.மு. 753ல் ரோம் நாடு உருவாக்கப்பட்டது. ரொமுலஸ் மற்றும் ரெமஸ் ஆகியோர்தான், ரோம நகர அரசை நிறுவியவர்கள். இவர்களின் தந்தை, நுமிட்டர், இத்தாலி நாட்டில் ஆல்பா லங்கா என்ற பகுதியின் ஆட்சியாளராக இருந்தார். ரொமுலஸ் மற்றும் ரெமஸ் பிறப்பதற்கு முன்பே, அவர்களின் தந்தையை, சித்தப்பா அமுலியஸ் கொன்றுவிட்டான். ஆட்சியைக் கைப்பற்றிக்கொண்ட சித்தப்பா அமுலியஸ், நுமிட்டரின் மனைவியைச் சிறையில் அடைத்தான். அவருக்குச் சிறையிலேயே, ரொமுலஸ், ரெமஸ் என்ற இரட்டைச் குழந்தைகள் பிறந்தனர். எதிர்காலத்தில் நுமிட்டரின் வாரிசுகளால், தனது அதிகாரத்துக்கு அச்சுறுத்தல் வரலாம் என்று அச்சப்பட்டு, ரொமுலஸையும் ரெமஸையும் கொன்றுவிடும்படி உத்தரவிட்டான் சித்தப்பன் அமுலியஸ். இந்தப் பணி, ரகசியமாக அரண்மனை வேலைக்காரனிடம் கொடுக்கப்பட்டது. எனினும், குழந்தைகளைக் கொல்ல வேலைக்காரனுக்கு மனமில்லை. இதையடுத்து, மரக்கூடையில் இருவரையும் பத்திரமாக வைத்து திபெர் நதியில், போட்டுவிட்டான் வேலைக்காரன். அப்போது அங்கிருந்த அத்திமரத்தின் வேர்பகுதியில் மரக்கூடை சிக்கி, கரை ஒதுங்கியது. அங்கிருந்த ஓநாய் தான் அந்தக் குழந்தைகளுக்குப் பாலூட்டிக் காப்பாற்றியதா...

கி.மு. 753ல் ரோம் நாடு உருவாக்கப்பட்டது. ரொமுலஸ் மற்றும் ரெமஸ் ஆகியோர்தான், ரோம நகர அரசை நிறுவியவர்கள். இவர்களின் தந்தை, நுமிட்டர், இத்தாலி நாட்டில் ஆல்பா லங்கா என்ற பகுதியின் ஆட்சியாளராக இருந்தார். ரொமுலஸ் மற்றும் ரெமஸ் பிறப்பதற்கு முன்பே, அவர்களின் தந்தையை, சித்தப்பா அமுலியஸ் கொன்றுவிட்டான். ஆட்சியைக் கைப்பற்றிக்கொண்ட சித்தப்பா அமுலியஸ், நுமிட்டரின் மனைவியைச் சிறையில் அடைத்தான். அவருக்குச் சிறையிலேயே, ரொமுலஸ், ரெமஸ் என்ற இரட்டைச் குழந்தைகள் பிறந்தனர். எதிர்காலத்தில் நுமிட்டரின் வாரிசுகளால், தனது அதிகாரத்துக்கு அச்சுறுத்தல் வரலாம் என்று அச்சப்பட்டு, ரொமுலஸையும் ரெமஸையும் கொன்றுவிடும்படி உத்தரவிட்டான் சித்தப்பன் அமுலியஸ். இந்தப் பணி, ரகசியமாக அரண்மனை வேலைக்காரனிடம் கொடுக்கப்பட்டது. எனினும், குழந்தைகளைக் கொல்ல வேலைக்காரனுக்கு மனமில்லை. இதையடுத்து, மரக்கூடையில் இருவரையும் பத்திரமாக வைத்து திபெர் நதியில், போட்டுவிட்டான் வேலைக்காரன். அப்போது அங்கிருந்த அத்திமரத்தின் வேர்பகுதியில் மரக்கூடை சிக்கி, கரை ஒதுங்கியது. அங்கிருந்த ஓநாய் தான் அந்தக் குழந்தைகளுக்குப் பாலூட்டிக் காப்பாற்றியதாக புரா...

மார்கோ போலோ எழுதிவைத்த உலகப் புகழ்பெற்ற பயண நூல் பற்றி நாம் கேள்விப்பட்டிருப்போம். இந்த நூல் அவர் சிறையில் அடைக்கப்பட்டிருந்தபோது, எழுதப்பட்டது என்பது எத்தனை பேருக்குத் தெரியும்? மார்கோ போலோ இத்தாலி நாட்டின் வெனிஸ் நகரத்தைச் சேர்ந்த வணிகர். 1271ல் சீனா உள்ளிட்ட ஆசிய நாடுகளுக்குப் பயணம் செய்த இவர், 1293ல் சொந்த ஊருக்குத் திரும்பினார். 1296ல், அவருடைய நகரான வெனிசுக்கும், ஜெனோவா நகருக்கும் இடையே போர் மூண்டது. இந்தப் போரில் மார்கோ போலோவும் கலந்துகொண்டார். சிறிய படைக்குத் தலைமை வகித்தவர், ஜெனோவாவுடன் போர் செய்தார். அப்போது, எதிரிப் படைகளால் சிறைப்பிடிக்கப்பட்டார். சிறையில், ருஸ்டிசெல்லோ என்ற கதாசிரியரும் இருந்தார். அவரிடம் மார்கோ போலோ, தாம் பார்த்து அனுபவித்தவற்றைச் சொல்ல, ருஸ்டிசெல்லோ மிகவும் உற்சாகமடைந்தார். குறிப்பாக, சீனாவிலிருந்து வெனிஸ் திரும்பி வரும்போது, அவர் கடற்கொள்ளையர்களிடம் மாட்டிக்கொண்டது, அங்கிருந்து தப்பித்து தமிழகம், இலங்கை சென்றது, அங்கு காணப்பட்ட செல்வக் குவியல்கள் போன்ற விறுவிறுப்பான அனுபவங்களைப் பகிர்ந்துகொண்டார். இதைத் தொடர்ந்து, இந்தக் கதைகளைப் பயண நூலாக மாற்றினார் ...

வெறும் 13 போர்க் கப்பல்களுடன், நூற்றுக்கும் மேற்பட்ட போர்க் கப்பல்கள் கொண்டிருந்த ஜப்பானைத் தோற்கடித்த பெருமை கொண்டவர் யி சன் சின் (Yi Sun- Sin). கொரியாவின் கதாநாயகனாக கொண்டாடப்படும் இவரை, வரலாற்று ஆசிரியர்கள் வியப்புடன் பார்க்கின்றனர். தனது சிறப்புமிக்க போர் வியூகங்களால், ஆச்சரியமான வெற்றிகளை குவித்த யி சன் சின்னின் வரலாறு சுவாரஸ்யமானது. உஷார்: கொரியாவில் இருந்த ஜோசுன் பேரரசு மீது (Josun Dynasty-) 1592ல் ஜப்பான் படையெடுத்தது. இந்தப் போரை ஜோசுன் பேரரசு கொஞ்சமும் எதிர்பார்க்கவில்லை. எந்த ஆயத்தமும் இல்லாததால், ஜப்பானியப் படைகளிடம் பெரும்பகுதிகளை இழக்க நேரிட்டது. ஆனால், யி சன் சின் இப்படியொரு படையெடுப்பு நிகழலாம் என்று முன்பே கணித்து வைத்திருந்தார். காரணம், ஜப்பானியப் படைத் தளபதியான டொயோட்டமி ஹிடயோஷி (Toyotomi Hideyoshi), சீனா மீது படையெடுக்க உள்ளதாகவும், கொரியா வழியாக படையை நகர்த்திச் செல்ல உள்ளதாகவும் அறிவித்திருந்தார். இதை ஜோசுன் பேரரசு, சீனாவுக்கு நேரப்போகும் ஆபத்து என்ற அளவில் மட்டுமே கருதியிருந்தது. ஆனால், கப்பற் படையில் புதிதாக இணைந்திருந்த யி சன் சின் என்ற இளைஞர், உஷாரானார். அவர்...