Posts

உலகம் கவனிக்காமல், ஏமனில் ஒரு பெருயுத்தம்!

சவூதி அரேபியாவின் தலைமையில் நடந்து வரும் இம்மோசமான யுத்தத்தின் விளைவாக, 10 ஆயிரத்திற்கும் மேற்பட்டோர் உயிரிழந்துள்ளனர்; 20 லட்சம் பேர் இடம் பெயர்ந்துள்ளனர். 2004ல் ஆரம்பித்த உள்நாட்டுக் கலகம், 2015ல் உள்நாட்டுப் போராக வெடித்தது. இக்கொடூர யுத்தம், ஒட்டுமொத்த நாட்டையும் அழிவை நோக்கித் தள்ளிக் கொண்டிருக்கிறது. ‘ஞானத்தின் இருப்பிடம்’ என்று அரேபியர்களால் பெருமையாகக் குறிப்பிடப்பட்ட நாடு ஏமன். உலகின் தொன்மையான நாகரிகப் பெருமையைக் கொண்ட ஏமன், வடக்கில் சவூதி அரேபியாவையும், கிழக்கில் ஓமானையும், வடமேற்கில் செங்கடலையும் எல்லைகளாக கொண்டது. மகிழ்ச்சிமிக்க அரபகம் என்று அடையாளப்படுத்தப்பட்ட இப்பிரதேசம், இன்று சின்னாபின்னாப்பட்டு கிடக்கிறது. 2015ல் தொடங்கிய அதிபர் ஹைதிக்கு எதிரான உள்நாட்டுப் போர், முடிவுறாக் கொடுங்கனவாய் நீண்டு கொண்டேப் போகிறது. ஹூத்தி கலவரக்காரர்களை ஒடுக்கப்போவதாக சொல்லி, அமெரிக்க ஆதரவு கொண்ட சவூதி தலைமையிலான சர்வதேசக் கூட்டுப் படைகள் இப்போரை இடைவிடாமல் நடத்தி வருகின்றன. ஆகாயத்திலிருந்து பொழியும் குண்டு மழை, குறைவதற்கான அறிகுறிகள் இதுவரைத் தென்படவில்லை. ஷியா- சன்னி பகையைப் பயன்படுத...
Post a Comment
Read more

பாஸ்போர்ட் தேவையில்லாத ராணி

சூரியன் அஸ்தமிக்காத ராஜ்ஜியத்துக்கு  சொந்தக்காரர்கள் என்று பிரிட்டன் பேரரசு சொல்லப்பட்டது. இவர்களின் ராஜ்ஜியத்தின் ஏதாவது ஒரு பகுதியில் சூரியன் உதித்துக்கொண்டிருப்பதை அப்படிப் பெருமையாகப் பறைசாற்றிக்கொண்டு இருந்தனர். பத்தொன்பதாம் நூற்றாண்டில், உலகின் பெரும்பகுதி ஆங்கிலேயர்களின் கையில் இருந்தது. இன்று அதன் எல்லை சுருங்கிவிட்டாலும், உலகில் ஒரு நாட்டை நீண்டகாலம் ஆளும் பெருமை, ராணி இரண்டாம் எலிசபெத்துக்கு உண்டு. மன்னர் ஆறாம் ஜார்ஜின் மறைவையடுத்து, 1953-ம் ஆண்டில் இரண்டாம் எலிசபெத் பதவிக்கு வந்தார். பிரிட்டன் வரலாற்றிலேயே தொலைக்காட்சியில் ஒளிபரப்பப்பட்ட முதல் முடிசூட்டு விழா, ராணி எலிசபெத்தின் விழாதான். முதலாம் எலிசபெத்தின் மறைவுக்குப்பிறகு, `இரண்டாம் எலிசபெத்' என இவர் அழைக்கப்பட்டார். ஐந்தாம் ஜார்ஜின் மகன் இளவரசர் ஆல்பர்ட் எலிசபெத் – பௌவ்ஸ் நியோன் தம்பதிக்கு, 1921-ம் ஆண்டு ஏப்ரல் 21-ம் தேதி பிறந்தார் எலிசபெத். இவரது இயற்பெயர், எலிசபெத் அலெக்ஸாண்ட்ரியா மேரி. குழந்தைப் பருவத்தில் இவரின் செல்லப் பெயர், `லில்லிபெட்'. இவரும் அவரது தங்கை இளவரசி மார்க்கரெட்டும் அரண்மனையிலேயே கல்வி கற்ற...
Post a Comment
Read more

அம்போடும் வில்லோடும் விளையாடிய ஜாக் மேட்

அம்பும் வில்லும் வைத்து நூறாண்டுகளுக்கு முன் சண்டையிட்டிருந்தால் அது  வீரமாகப் பார்க்கப்பட்டிருக்கும். இந்தக் காலத்தில், வில்லோடும் அம்போடும் ஒருவர்  யுத்தக்களத்திற்குச் சென்றால், அவரை உலகம் ஒருமாதிரியாகத்தான் பார்க்கும். காரணம், டாங்கிகளும், பீரங்கிகளும் உள்ள காலமிது. ஆனால், இரண்டாம் உலக யுத்த காலத்தில், அம்போடும் வில்லோடும் போர் புரிந்த ஒருவர் நிஜத்திலேயே இருந்திருக்கிறார். அவர்தான், இங்கிலாந்தைச் சேர்ந்த மேட்  ஜாக் (Mad Jack). இவரது இயற்பெயர் ஜான் ஃபிளமிங் சர்ச்சில். ஆக்ஸ்ஃபோர்டுஷைர் மாகாணத்தைச் சேர்ந்த இவர், 1926ல் இங்கிலாந்தின் ராயல் மிலிட்டரி அகாடமி என்ற ராணுவக் கல்லூரியில் பட்டப்படிப்பு முடித்தார். அவரது காலத்தில், அணுகுண்டு வரை கண்டுபிடிக்கப்பட்டு விட்டது. ஏனோ அவருக்கு மட்டும் கடைசிவரை வாள், அம்பு, வில் போன்ற பழங்கால ஆயுதங்கள் மீது மோகம் குறையாமல் இருந்தது. சில காலம் பத்திரிகை ஆசிரியராகவும், பாக்தாத் திருடன் (Thief of Bagdad) படத்தில் சினிமா நடிகராகவும் பணியாற்றிய சர்ச்சில், மீண்டும் ராணுவத்திலேயே சேர்ந்தார். அது,...
Post a Comment
Read more

3300 ஆண்டுகளுக்கு அமைதி உடன்படிக்கையில் கையெழுத்திட்ட மன்னர்

வம்புக்கு சண்டைக்கு போக மாட்டேன். வந்த சண்டையை விட மாட்டேன் என்ற ரகம்தான், எகிப்து நாட்டைச் சேர்ந்த பண்டைய எகிப்து மன்னர், இரண்டாம் ராம்சஸ். கி.மு. 12ம் நூற்றாண்டைச் சேர்ந்த இவர், எகிப்தை 67 ஆண்டுகள் சிறப்பாக ஆட்சி செய்தார். பரோவா மன்னர்களில், சிறந்த ஆட்சியாளராக அறியப்படும் இவருடைய ஆட்சிகாலத்தில், சரித்திர முக்கியத்துவம் வாய்ந்த சம்பவம் நடந்தது. ஆம், உலகின் முக்கிய அமைதி உடன்படிக்கையாக கருதப்படும் காடேஷ அமைதி ஒப்பந்தத்தில் கையெழுத்திட்டார். ஹிட்டீஸ் அரச வம்சம், எகிப்தின் பரோவா ராஜ்ஜியத்திற்கு சமமான பலம் கொண்டிருந்தது. சிரியா தேசத்தை யார் ஆள்வதில் என்பதில், இருவருக்கும் இடையே போட்டி. இதன் காரணமாக, இருதரப்புக்கும் 80 ஆண்டுகள் இடைவிடாத போர். இதனிடையே, ஹிட்டீஸ் கட்டுப்பாட்டில் இருந்த காடேஷ் என்ற பகுதியை ராம்சஸ் இரண்டாம் மன்னர் கைப்பற்ற நினைத்தார். இருதரப்புக்கும் கடுமையான போர். யாரும் வெற்றி பெறவில்லை. என்றாலும், இரண்டு தரப்பினருக்கும் சேதமோ கடுமையாக இருந்தது. இதையடுத்து, சமாதானத்திற்கான முயற்சிகள் முன்வைக்கப்பட்டன. வரலாற்று முக்கியத்துவம் வாய்ந்த அந்த அமைதி உடன்படிக்கை கி.மு. 1276ல் கைய...
Post a Comment
Read more

உலகின் முதல் ஷாப்பிங் மால்

இன்றைய நகரவாழ் மக்கள் பலருக்கும் முக்கியமான பொழுதுபோக்குகளில் ஒன்று, ஷாப்பிங் மால். எந்த வகையானப் பொருட்கள் என்றாலும், வணிக மால்களில் வாங்கிக்கொள்ளலாம். உடை, காலணி, ருசியான உணவு எல்லோமே ஒரே கூரையின் கீழ். ஆனால், இந்த வணிக மால் யோசனை இப்போது உருவாக்கப்பட்டதல்ல. சுமார் 2000 ஆண்டுகளுக்கு முன்னரே ரோம் நகரில், நான்கு மாடிகள் கொண்ட வணிக மால் கட்டப்பட்டுவிட்டது. என்ன ஆச்சர்யமாக இருக்கிறதா? பண்டைய ரோம் பேரரசர் ட்ராஜன் (Trajan) ஆட்சிக் காலத்தில் தான் (கி.பி. 98- 117) தான், இந்த பிரம்மாண்ட ஷாப்பிங் மால் கட்டப்பட்டது. இவரால் உருவாக்கப்பட்ட மாலில், விதவிதமான கடைகள், குடியிருப்புகள் மற்றும் அலுவலகங்கள் இயங்கின. சிரியா நாட்டில் உள்ள டமாஸ்கஸ் நகரைச் சேர்ந்த கட்டடக் கலை நிபுணர் அப்போலோடோரஸ் (Apollodorus), இந்த ஷாப்பிங் மாலை வடிவமைத்து உருவாக்கியவர். அதற்கு முன்னர், வேறு யாரும் இப்படி ஒரு ஷாப்பிங் மாலை கட்டியிருக்காத நிலையில், இது புத்தம்புது முயற்சியாக அமைந்தது. இந்த ஷாப்பிங் மாலில் மொத்தம் எத்தனை அறைகள் இருந்தது தெரியுமா? 150 அறைகள் இருந்தன. மொத்தம் நான்கு தளங்கள். ஒவ்வொரு அறைகளும் அளவில் வெவ்வே...
Post a Comment
Read more

மரப்பற்றாக்குறையால் பிறந்த தேசம் அமெரிக்கா

மரப்பற்றாக்குறையால் பிறந்த தேசம் அமெரிக்கா உங்கள் உலகை இயக்கும் எரிபொருள் எது? நீங்கள் அமெரிக்காவின் காலனியவாதியாக இருந்தால், மரக்கட்டை என்பதே உங்கள் விடையாக இருந்திருக்கும். மனிதன் தோன்றிய காலத்தில் இருந்தே அவன், விறகுக்கட்டைகளை எரித்து வருகிறான். ஆனால், குளிரிலிருந்து தப்பிப்பதற்காக மட்டும் அவனுக்கு அந்த விறகுக்கட்டைகள் பயன்படவில்லை. ஒரு நாட்டையே சக்திமிக்கதாக மாற்றி ஆட்சி செய்வதற்கும் அது காரணமாக அமைந்தது. அந்த முக்கியமான வரலாற்று நிகழ்வு பிரிட்டனில் இருந்து ஆரம்பித்து. 1500களில் பிரிட்டனில் அதுவரை யாருமே நினைத்துப் பார்க்காத ஒரு விஷயம் நடந்தது. ஆம், பிரிட்டனில் திடீரென மரக்கட்டை பற்றாக்குறை ஏற்பட்டது. பிரிட்டனில் காடு முழுவதுமாக மொட்டையடிக்கப்பட்டுக் கிடந்தது. 93 ஆயிரம் சதுர மைல் பரப்புள்ள காடு, இப்போது வெறும் தரையாக காட்சியளித்தது. மறுபுறம் குளிர் மக்களை வாட்டி வதைத்தது. குளிர்காய மரக்கட்டைகள் கிடைப்பது குதிரைக்கொம்பாக இருந்தது. மரங்கள் இவ்வளவு விரைவாய் குறைந்ததற்கு, அப்போது வேகமாக நடந்து வந்த நகரமயமாக்கல் முக்கிய காரணமாக இருந்தது. குறிப்பாக, நகரவாழ் மக்களின் மரத்தேவையை ஈடுகட்...
Post a Comment
Read more

நிலைத்து நிற்கும் கெட்டிஸ்பெர்க் உரை

உலகின் தலைசிறந்த சொற்பொழிவுகளில் முக்கியமானதாக "கெட்டிஸ்பர்க்' உரை போற்றப்படுகிறது. இது சுமார் 150 ஆண்டுகளுக்கு முன்னர் நிகழ்த்தப்பட்டது. அமெரிக்க அதிபர் ஆபிரஹாம் லிங்கன் கெட்டிஸ்பர்க் போர்க்களத்தின் நினைவிடத்தில் 1863, நவம்பர் 19ல் இவ்வுரையை நிகழ்த்தினார். இந்த உரையில்தான் ‘மக்களால், மக்களுக்காக நடக்கும் மக்களாட்சி’ (that government of the people, by the people, for the people, shall not perish from the earth) என்ற புகழ்பெற்ற வாசகம் பயன்படுத்தப்பட்டது. அமெரிக்க நாட்டின் தென் மாநிலங்கள் கறுப்பர்களை அடிமைகளாகவே வைத்திருக்க வேண்டும் என்று பிடிவாதம் காட்டின. ஆனால் அடிமை முறையை ஒழிக்க வேண்டும் என்று லிங்கன் தலைமையில் அமெரிக்க அரசும் வடமாநிலங்களும் போராடின. இரு தரப்புக்கும் 1861 முதல் 1865 வரை நடந்த யுத்தமே அமெரிக்க உள்நாட்டுப் போர் என்று அழைக்கப்படுகிறது. அதில் பென்சில்வேனியா மாநிலத்தில் கெட்டிஸ்பர்க் என்ற போர்க்களத்தில் வட மாநிலங்கள் பெற்ற வெற்றி, போரின் திருப்புமுனையாகக் கருதப்படுகிறது. வடமாநிலங்கள் தரப்பில் அமெரிக்க அரசுக்காகப் போராடி 23,000 வீரர்கள் உயிரை தியாகம் செய்த...
Post a Comment
Read more