History Mirror of the Past

பண்டைய எகிப்தியர்கள் பூனை மேல் கொள்ளைப் பிரியமாய் இருந்தார்கள் என்பது, நமக்குத் தெரிந்த விஷயம்தான். பலர், பூனையைக் கடவுளாகக்கூட பூஜித்தனர். ஒரு வீடு தீப்பற்றி எரிகிறது என்றால், தாங்கள் தப்பிப்பதைவிட, பூனைகளைத்தான் முதலில் காப்பாற்றுவார்கள். யாராவது பூனையைக் கொன்றுவிட்டால், அவர்களுக்கு மரண தண்டனைதான். யார் வீட்டிலாவது பூனை இறந்துபோனால், அந்தக் குடும்பத்தார் துக்கத்தை வெளிப்படுத்த புருவங்களை மழித்துக்கொள்வார்கள். அந்தளவுக்குப் பூனை முக்கியத்துவம் வாய்ந்ததாக இருந்தது. ஆனால், பூனை மேல் வைத்த பாசத்தால் அவர்கள் மோசம் போன கதை உங்களுக்குத் தெரியுமா? கி.மு. 525ல், எகிப்தில் உள்ள நைல் டெல்டா பகுதியான பெலுசியத்தில் அப்படி ஒரு சம்பவம் நடந்தது. கி.மு. 525ல் எகிப்தை ஆண்ட மூன்றாம் பரோவா மன்னனான அமாசிஸ்க்கும், அண்டை நாடான பாரசீகப் பேரரசுக்கும் கடும் பகை. இதனால், பாரசீகப் படை எகிப்தில் எப்போது வேண்டுமானாலும் நுழையலாம் என்ற சூழல். எகிப்தில், முன்னெச்சரிக்கை நடவடிக்கையாக மலைக்குன்றுகள் மீது பாதுகாவலர்கள் நிறுத்தப்பட்டிருந்தனர். அவர்கள் ஒவ்வொருவரும் வில்வித்தையில் பலே கில்லாடிகள். கழுகுப் பார்வை...

மா ணவர்களே! உலகின் முதல் வேலைநிறுத்தம் எப்போது நடைபெற்றது தெரியுமா?. சொன்னால் நம்ப மாட்டீர்கள், கி.மு. 1170ம் ஆண்டில்தான் முதல் வேலை நிறுத்தப் போராட்டம் நடைபெற்றது. எகிப்தில் நடைபெற்ற இந்த வேலை நிறுத்தப் போராட்டம் தொடர்பான நிகழ்வுகள் வரிக்கு வரி, பாப்பிரஸ் (papyrus) தாளில் எழுதி ஆவணப்படுத்தி வைக்கப்பட்டுள்ளது. கின்னஸ் சாதனைப் புத்தகத்திலும் இந்த வேலை நிறுத்தம் பதிவு செய்யப்பட்டுள்ளது. இன்றிலிருந்து அப்படியே ஏறக்குறைய 3200 ஆண்டுகள் பின்னோக்கி போங்கள். அப்போது எகிப்து சாம்ராஜ்யத்தை, மூன்றாம் ராம்சஸ் மன்னன் ஆண்டு கொண்டிருந்தான். அந்த நாட்டு கலாசாரப்படி, ஒவ்வொரு மன்னனும், தான் வாழும்போதே தனக்கான கல்லறையை கலைநயத்துடன் பார்த்துப்பார்த்து பிரம்மாண்டமாக கட்டிக்கொள்வான். இன்று நாம் பார்க்கும் பிரமிடு எல்லாம் அதுபோன்ற கல்லறைகள்தான். இதேபோல், ராம்சஸ் மன்னரின் கல்லறையைக் கட்டமைக்க, நூற்றுக்கணக்கான கட்டுமானத் தொழிலாளர்களும், கைவினைக் கலைஞர்களும் பணி அமர்த்தப்பட்டனர். அவர்களுக்கு ஊதியமாக, மாதத்திற்கு ஒருமுறை, தேவையான கோதுமை தானியங்களை மன்னர் வழங்க வேண்டும். என்ன போதாத காலமோ தெரியவில்லை, சரியான நே...

காலந்தோறும் போர் செய்யும் முறைகள் மாறிக்கொண்டே வந்துள்ளன. கல்லை வைத்து, கவணை வைத்து, கத்தியை வைத்து, அம்பை வைத்து, துப்பாக்கியை வைத்து என்று மாற்றங்களை பட்டியலிட்டுக்கொண்டே போகலாம். இந்த வகையில், விமானத்தில் இருந்து எதிரிகளின் மீது குண்டெறியும் முறையை அறிமுகப்படுத்திய ஓர் இளைஞனைப் பற்றித்தான் இப்போது பார்க்கப்போகிறோம். தற்போது, வெளிநாட்டுப் படையெடுப்பு மற்றும் உள்நாட்டுப் போரால் சின்னாபின்னமாக்கப்பட்டுள்ள லிபியா நாட்டில்தான், அந்த துரதிருஷ்டவசமான சம்பவம் அரங்கேறியது. அது 1911ம் ஆண்டு. வட ஆப்பிரிக்க நாடான லிபியா, ஓட்டோமான் துருக்கியப் பேரரசின் ஆளுகையின் கீழ் இருந்தது. அப்போது, லிபியாவை உரிமை கொண்டாடும் போட்டியில், துருக்கியப் பேரரசுக்கும், இத்தாலியப் படைகளுக்கும் சண்டை உக்கிரமாக நடந்தது. அப்போது, போர்க்களத்தில் விமானியாகப் பணியாற்றிய இத்தாலிய இளைஞன் கியூலியோ கவோட்டி, தன் தந்தைக்கு இவ்வாறு கடிதம் எழுதினான். ‘தந்தையே, நான் ஒரு புது முடிவை எடுத்துள்ளேன். இதுவரை ராட்சத பலூன்களில் இருந்து மட்டுமே குண்டுகளை எறிவது வழக்கம். இப்போது, நான் ஆகாய விமானத்திலிருந்து துருக்கியப் படைகள் மீது குண்டு...

அழகும் வனப்பும்மிக்க தேசங்களில் ஒன்று இலங்கை. நாட்டின் தென்பகுதி பொன்னிற கடற்கரைகளையும், மத்திய பகுதி பசும் மலைகள், மழைக்காடுகளையும் கொண்டுள்ளது. இந்தியப் பெருங்கடலின் முத்து என்று அழைக்கப்படும் இலங்கை, அதன் செழிப்பு, பன்முக கலாசாரம் ஆகியவற்றின் காரணமாக உலகம் முழுவதும் இருந்து சுற்றுலா பயணிகளை கவர்ந்து வருகிறது. இதன் சிறப்புமிக்க பூலோக ரீதியான அமைப்பால், பல நூற்றாண்டுகளாக வர்த்தகங்கள், பயணிகள் மத்தியில் பிரபலமாக விளங்கி வருகிறது. ராமாயணத்தில், ராவணனால் சீதை கடத்திச் செல்லப்படும் இடம் இலங்கைதான். சிங்களவர்கள் பெரும்பான்மையாகவும், தமிழர்கள், முஸ்லிம்கள் சிறுபான்மையாகவும், மூன்று முக்கிய இனக்குழு மக்கள் இலங்கையில் வாழ்கின்றனர். விஜயன் தொடங்கி வைத்த வரலாறு இலங்கையின் வரலாறு 2500 ஆண்டுகள் பழமையானது. இலங்கையில் முக்கியத்துவம் வாய்ந்த பண்டைய வரலாற்று நூலாக மகாவம்சம் கருதப்படுகிறது. அதன்படி, 2500 ஆண்டுகளுக்கு முன்னர், இந்தியாவின் கலிங்க நாட்டில் இருந்து, அந்நாட்டு இளவரசனான விஜயன் துரத்திவிடப்பட்டான்; அங்கிருந்து கிளம்பி, தனது எழுநூறு தோழர்களுடன் விஜயன் இலங்கைக்கு வந்திறங்கினா...

உலக வரலாற்றில், ஜரோப்பிய மறுமலர்ச்சி என்ற சம்பவம் முக்கியமான ஒன்றாக கருதப்படுகிறது. 14, 15ம் நூற்றாண்டுகளில் ஐரோப்பா கலாச்சாரத்தில் ஏற்பட்ட புதிய திருப்புமுனையே ஜரோப்பிய மறுமலர்ச்சி (Europe renaissance) எனப்படுகிறது. மறுமலர்ச்சி என்றால் 'மீண்டும் மலர்தல்' அல்லது 'புத்துயிர்ப்பு' என்று பொருள். கடந்த 1453ம் ஆண்டு, கிழக்கு ரோமப் பேரரசின் வர்த்தக மையமாக செயல்பட்ட கான்ஸ்டாட்டிநோப்பிள் துறைமுகத்தை ( Constantinople) ஒட்டோமன் துருக்கியர்கள் கைப்பற்றினர். இதுவே, ஜரோப்பாவில் மறுமலர்ச்சி ஏற்பட்டதற்கு முக்கிய காரணம். இந்த படையெடுப்பால், கிழக்கு ரோமப் பேரரசில் வாழ்ந்த மக்கள், மேற்கு ரோம பேரரசிற்கு இடம் பெயர்ந்தனர். அப்படி செல்லும்போது, கான்ஸ்டாட்டிநோப்பிளில் பாதுகாக்கப்பட்டு வைக்கப்பட்டிருந்த பண்டைய நூல்களையும் கூடவே எடுத்து சென்றனர். அறிஞர்கள், அறிவுப் பொக்கிஷமாக இருந்த பலதுறை நூல்களை ஐரோப்பிய மொழிகளில் மொழியாக்கம் செய்தனர். பண்டைய இலக்கியங்களை கற்பதற்கு பெரிதும் ஆர்வம் காட்டினார்கள். இதனால், மேற்கு ரோம பேரரசில் புதிய கருத்துக்களின் தாக்கம் ஏற்பட்டது. இதன்விளைவாக, 14ம், 15ம் நூற...

கம்போடிய முடியரசு, ஒரு தென் கிழக்கு ஆசிய நாடாகும். பழைய தமிழ் இலக்கியங்களில் கம்புஜம் அல்லது காம்புசம் என்று அழைக்கப்படும் இந்த நாடு, காலத்திற்கு காலம் பல பெயர்களைத் தாங்கி நிற்கிறது. 1970 மார்ச் மாதம், புரட்சி மூலம் ஆட்சியைக் கைப்பற்றிய அமெரிக்க ஆதரவாளர் ஜெனரல் லொன் நொல், இந்த நாட்டிற்கு வைத்த பெயர் கிமர் (KHMER). அதன்பின்னர், 1975ல் கம்போடியாவை ஆட்சி செய்த போல் பாட் (pol pot) சூட்டிய பெயர் கம்புஜியா. வியட்நாமியப் படையெடுப்பு மூலம் பொல் பொட் ஆட்சி முடிவுகட்ட பின், இந்நாட்டுக்கு வைக்கப்பட்ட பெயர் கம்போடியா. இந்தப் பெயரே இன்று வரை நிலைத்து நிற்கிறது. இந்நாட்டில் ஏறக்குறைய 1.5 கோடி மக்கள் வாழ்கின்றனர். இந்நாட்டின் தலைநகர் “புலோம் பென்”.  இதுவே, இந்நாட்டின் மிகப்பெரிய நகரமும் ஆகும். இந்நாட்டுக் குடிமக்களை "கம்போடியர்" எனவும், ‘கிமர்’ (Khmer) எனவும் அழைக்கின்றனர். எனினும், “கிமர்” என்னும் குறியீடு கிமர் இன கம்போடியர்களை மட்டுமே அழைக்கப் பயன்படுத்தப்படுகிறது. பெரும்பான்மையான கம்போடியர்கள், பெளத்த சமயத்தைப் பின்பற்றுகின்றனர். கம்போடியாவின் எல்லைகளாக மேற்கிலும், வடமேற்கிலும் தாய்ல...

பரந்துபட்ட இந்தியாவையே காலனி நாடாக்கி, 200 ஆண்டுகள் ஆட்சி செய்தது பிரிட்டன். ஆனால், நமக்குப் பக்கத்தில் உள்ள சிறிய நாடான நேபாளத்தை, பிரிட்டனால் கடைசி வரை அடிமைப்படுத்த முடியவில்லை. இதற்கு, மலைப்பாங்கான நேபாள பூகோள அமைப்பும், ஷா மன்னர்களும் முக்கிய காரணங்கள். வடக்கே சீனாவும், மற்ற மூன்று திசைகளிலும் இந்தியாவும் சூழ, இமயமலையில் அமைந்துள்ளது நேபாளம். நேபாளம், 16ம் நூற்றாண்டு வரை, மூன்று சிற்றரசுகளாகப் பிரிந்து கிடந்தது. நவீன நேபாளத்துக்கு அடித்தளமிட்டவர்கள், கோர்க்கா நாட்டை ஆண்ட ஷா வம்சத்து மன்னர்கள். ஷா வம்சத்து மன்னர்கள், நேபாளத்தை கி.பி-. 1559 முதல் 1846 வரை ஆட்சி செய்தனர். கி.பி. 1559-ம் ஆண்டு, திரவிய ஷா என்பவர், இன்றைய நேபாளத்தில் உள்ள சிறிய பகுதியான கோர்க்காவில், ஷா வம்சத்து ஆட்சியை நிறுவினார். கி.பி. 1736-ல் கோர்க்காவை ஆட்சி புரிந்த ஷா வம்சத்து மன்னரான நரபூபால ஷா, நாட்டை விரிவாக்க எண்ணி, அண்டை சிற்றரசுகள் மீது போர் தொடுத்தார். இந்த விரிவாக்க வேலைகளைப் பெருமளவில் நிறைவேற்றியவர், அவரது மகன் பிருத்வி நாராயணன் ஷா ஆவார். கி.பி. 1745-ல் நேவார் அரச குலத்தினர் ஆட்சி செய்து வந்த காத்மாண்டு...

இந்தியர்களை அடிமைப்படுத்திய ஆங்கிலேயர்களை எதிர்க்க, வாழ்க்கை முழுவதையும் அர்ப்பணித்த திப்பு சுல்தான் போன்ற ஒரு மன்னன், வரலாற்றில் வேறெங்கும் இருப்பதாக தெரியவில்லை. ‘கிழக்கிந்தியக் கம்பெனியின் குலை நடுக்கம்’ என்று திப்பு சுல்தானை, அன்றைய லண்டன் பத்திரிகைகள் பெயரிட்டு அழைத்தன. கட்டபொம்மன், மருது சகோதரர்கள், கோபால் நாயக்கர், தீரன் சின்னமலை போன்ற, ஏராளமான தென்னிந்திய விடுதலைப் போராட்ட வீரர்களுக்கு, திப்பு உந்து சக்தியாக இருந்தார். திப்பு சுல்தான், ஆங்கிலேயே காலனி எதிர்ப்பின் முக்கிய கதாநாயகன். மைசூர் புலி என, அழைக்கப்பட்ட திப்பு சுல்தான், 1782ம் ஆண்டிலிருந்து, 1799ம் ஆண்டு வரை, மைசூரின் அரசை ஆட்சி செய்தார். தமது 17ம் வயதிலேயே, போர்ப்படைத் தளபதியாக இருந்து, ஆங்கிலேயருக்கு எதிரான வாணியம்பாடி போரில் வெற்றி பெற்றார். சிறந்த அறிவாளியாக இருந்த திப்பு, தனது படையில் ராக்கெட், பீரங்கி உள்ளிட்ட நவீன ஆயுதங்களை உபயோகித்தார். இதனால், ஆங்கிலேயேர்கள் திப்புவுடனான பல்வேறு போர்களிலும், தோல்வியையே தழுவினர். பின்னர், 32வது வயதில், மைசூர் மன்னரானார். ஒருமுறை 4 ஆயிரம் ஆங்கிலேய படையினரை போர்க் கைதிகளாக...

அரசு நிர்வாகத்துறையில் ஊழலை ஒழிக்க முயன்ற, இந்திய மன்னர்களில் தலையாயவர் ஒளரங்கசீப். 1658 முதல் 1707 வரை, ஆப்கானிஸ்தான் காபூல் முதல் தமிழகம் வரை மிகப் பெரும் பரப்பை ஆட்சி செய்தார். முகலாய மன்னர்களில் அக்பரும்,ஒளரங்கசீப்பும் தான், நீண்ட காலம் (49 ஆண்டுகள்) ஆட்சி செய்தவர்கள். அரியணை ஏறிய ஆலம்கீர் ஒளரங்கசீப்பின் தந்தை, மன்னர் ஷாஜகான். இவர், நோயில் விழுந்ததும், மூத்த மகன் தாராஷிகோ, ஆட்சியைக் கைப்பற்ற முனைந்தார். நான்கு மகன்களில் தாராஷிகோவுக்கே ஷாஜகானின் ஆதரவு இருந்தது. ஷாஜகான் இறந்து விட்டதாகவும், அவரது மறைவை அறிவிக்காமல் தாராஷிகோ முறைகேடாக ஆட்சி புரிவதாகவும், வதந்தி பரவியது. இதனால், வங்கத்தில் ஆளுநராக இருந்த ஷா சுஜா, தன்னைத்தானே அரசராக அறிவித்துக் கொண்டு, பேரரசைக் கைப்பற்ற படையெடுத்தார். அப்போது தக்காணத்தை ஆண்டஒளரங்கசீப், குஜராத்தை ஆண்ட முராத் பக்ஷ் உடன் ஒப்பந்தம் செய்து, படைகளை இணைத்தார். அதாவது, பேரரசை சரிபாதியாக பிரித்துக் கொள்வது என ஒப்பந்தம். ஷா சுஜாவை,ஒளரங்கசீப் வீழ்த்திக் கொன்றனார். ஆக்ராவைக் கைப்பற்றிய அதேவேகத்தில், டில்லி சென்று தாராஷிகோவையும் வென்றார்ஒளரங்கசீப். ஒப்பந்தப...

மக்களுக்கு எதிரான அநியாயங்கள் அதிகரிக்கும்போது, அவர்கள் கடும் அதிருப்திக்கு உள்ளாகின்றனர். ஒரு கட்டத்தில், மக்கள் திடீரென ஆட்சியாளர்களுக்கு எதிர்ப்பு தெரிவிக்கின்றனர். இதுவே, புரட்சியாக உருவெடுக்கிறது. சுருக்கமாகக் கூறினால், அரசியல், பொருளாதார, சமூகத் துறைகளில் ஏற்படும் திடீர் திருப்பமே புரட்சி. மனிதகுல வரலாற்றில், ஏராளமான புரட்சிகள் வெடித்திருக்கின்றன. நவீனகால வரலாற்றை பொறுத்தமட்டில், பிரஞ்சுப் புரட்சி முக்கியமான ஒன்றாகக் கருதப்படுகிறது. பிரஞ்சுப் புரட்சி - 1789 ‘சுதந்திரம், சமத்துவம், சகோதரத்துவம்’ என்கிற கொள்கையை அடிப்படையாகக் கொண்டு, பிரான்ஸ் நாட்டில் நிகழ்ந்த, மாபெரும் மாற்றமே பிரஞ்சுப் புரட்சி. பிரான்சில் அப்போதைய சமூகத்தை மூன்றாகப் பிரித்து பார்க்கலாம். 1.மன்னர் சார்ந்த ஆட்சியாளர்கள் 2.மதகுருமார்கள், பிரபுக்கள் 3.விவசாயிகள், வணிகர்கள், தொழிலதிபர்கள், வழக்கறிஞர்கள், சாதாரண மக்கள் முதல் இரு பிரிவினரும், உயர்குடி மக்கள் என்று அழைக்கப்பட்டனர். மூன்றாம் பிரிவினர், உரிமையற்ற வர்க்கத்தினர் என்று அழைக்கப்பட்டனர். இந்த பிரிவுகள், பிறப்பின் அடிப்படையில் ஏற்படுத்தப்பட்டிருந்தது. நாட்டில் ...

1769- – 1821 முடியாது என்ற சொல், என் அகராதியில் இல்லை மன்னர் குடும்பத்தில் இல்லாமல், ஏழைக் குடும்பத்தில் பிறந்து, திறமையாலும், உழைப்பாலும் பிரான்ஸ் மன்னரானார் நெப்போலியன். சிறுவயது முதலே பயம் அறியாமல் வளர்ந்தவர். அரசின் சலுகை பெற்று, ராணுவப் பள்ளியில் கல்வி பயின்றார். கணிதம், வரலாறு, புவியியல் ஆகியவை அவருக்குப் பிடித்த பாடங்கள். பள்ளியில் தனிமையை விரும்பினார். பொறுப்புணர்ச்சி மிக்கவராக இருந்தார். பள்ளிப் படிப்பை 16 வயதில் முடித்து, பிரெஞ்சு ராணுவத்தின் ஆர்ட்டிலரிப் பிரிவில் சேர்ந்தார். அங்கு சிறப்பாக செயல்பட்டதால், படைத்தளபதியாக பதவி உயர்வு பெற்றார். 1796ல், இத்தாலியில் ஆஸ்திரிய சாடினியப் படைகளை வெற்றிகரமாக முறியடித்தார். இதன் மூலம், நெப்போலியனுக்கு தேசிய அளவில் புகழ் கிடைத்தது. பின்னர், பாரீசில் ஆட்சியைக் கவிழ்த்து, 1804ம் ஆண்டு, தனது 35வது வயதில், பிரான்ஸ் மன்னனாக, முடிசூட்டிக் கொண்டார். நெப்போலியன் அடுத்தடுத்து தொடுத்த போர்களால், இங்கிலாந்தைத் தவிர்த்து ஒட்டுமொத்த ஐரோப்பாவும் அவரது கட்டுப்பாட்டுக்குள் வந்தது. இதனால், மற்ற ஐரோப்பிய நாடுகள், இங்கிலாந்துடன் வர்த்தகம் புரியக்கூடாது எ...

உலகின் மிகப்பெரிய நிறுவனங்களில் ஒன்று இந்திய ரயில்வே. இது 170 ஆண்டுகள் பழமையானது. ஆங்கிலேயர்களால், ரயில்வே கட்டமைப்பு இந்தியாவில் உருவாக்கப்பட்டது. அது மிகப் பெரிய அளவில் வளர்ந்து, பொருளாதார வளர்ச்சியில் முக்கிய பங்கை வகிக்கிறது. துரித போக்குவரத்துக்கான நிர்பந்தம் பருத்தியை ஏற்றுமதி செய்வதற்கும், போர் காலங்களில் ராணுவ தளவாடங்களை இடம் மாற்றம் செய்யவுமே, 19ம் நூற்றாண்டில், ஆங்கிலேயர்கள் இந்தியாவில் ரயில் போக்குவரத்தை உருவாக்கினர். அந்த காலகட்டத்தில், இந்தியாவில் பருத்தி பெருமளவில் விளைந்தது; அவற்றை ஏற்றுமதி செய்ய, துறைமுகங்களுக்கு கொண்டு போக வேண்டும். அதற்கு, சாலை வழி போக்குவரத்தே பயன்படுத்தப்பட்டது. இந்நிலையில், 1840ல் இங்கிலாந்துக்கு, அமெரிக்காவில் இருந்து சப்ளையான பருத்தி, சில காரணங்களால் குறைந்தது. இதனால், இங்கிலாந்து, இந்தியாவின் பக்கம் பார்வையை திருப்பியது. இந்திய விவசாயிகளிடம் நிறைய பருத்தி கிடைத்தது. ஆனால், அதை இங்கிலாந்துக்கு கொண்டு செல்ல, துரித போக்குவரத்து வசதி இல்லை. இதனால், ரயில்வே போக்குவரத்தை துவங்க, இங்கிலாந்து வணிகர்கள் முடிவு செய்தனர். இதற்காக, ஆங்கிலேய கிழக்கிந்திய கம...

`வெள்ளையனே வெளியேறு’ என்று, முதன் முதலாக வீர முழக்கமிட்டவர் பூலித்தேவன். இவரது இயற்பெயர் காத்தப்பதுரை. திருநெல்வேலி மாவட்டம், ஆவுடையார்புரம் என்கிற நெற்கட்டும் செவ்வல் பாளையமே இவரது ஊர். சிறுவயதிலேயே சிலம்பம், மல்யுத்தம், குதிரையேற்றம், வாள்யுத்தம் போன்ற கலைகளில் தேர்ச்சி பெற்றார். பின்னர், நெற்கட்டு செவ்வல் பாளையத்தின் ஆட்சிப்பொறுப்பை ஏற்றார். அப்போது, இந்தியாவில் ஆங்கிலேயரின் ஆட்சி, வேர் ஊன்ற ஆரம்பித்திருந்தது. அந்த சமயத்தில், மதுரையை ஆண்டு வந்த ஆற்காட்டு நவாப், ஆங்கிலேயே கிழக்கிந்திய கம்பெனிக்கு கடன்பட்டிருந்தார். இதனால், ராமநாதபுரம், மதுரை, திருநெல்வேலி, சிவகங்கை போன்ற பகுதிகளில், ஆட்சிப்பொறுப்பில் இருந்த பாளையக்காரர்களிடம் இருந்து வரி வசூல் செய்யும் பொறுப்பை, ஆங்கிலேயர்களுக்கு நவாப் அளித்தார். அந்த வகையில், பூலித்தேவனிடம் ஆங்கிலேயர் வரி கேட்டபோது, ‘ஒரு நெல்மணியைக் கூட வரியாக செலுத்த முடியாது; முடிந்ததைப் பார்’ என்று வரி கட்ட மறுத்தார். அதோடு, படை பலத்தை அதிகரிக்கும் வகையில், பூலித்தேவன், ஆங்கிலேயர்களுக்கு எதிராக கூட்டணி அமைக்க முயன்றார். இதனால், கோபமடைந்த ஆங்கிலேயர்கள், அண்டை நா...

ஆங்கிலேயர்களுக்கு எதிரான இந்திய சுதந்திரப் போராட்டத்தில், திருப்புமுனையாக அமைந்த வரலாற்று சம்பவம், வங்கப்பிரிவினை. அதுவே, ஆங்கிலேயர்களின் பிரித்தாளும் சூழ்ச்சிக்கு எதிராக, இந்திய மக்களின் ஒற்றுமையை நிரூபிக்க வழிவகை செய்தது. இந்தியாவில் சுதேசி இயக்கம் தோன்ற முக்கிய காரணமாகவும் அமைந்தது. அன்றைய வங்காளம், 8 கோடி மக்கள்தொகை கொண்ட இந்தியாவின் மிகப் பெரிய மாநிலமாகத் திகழ்ந்தது. வங்காளம் முழுவதும், ஆங்கிலேயர்களிடம் எதிரான தேசபக்த எழுச்சி அதிகம் இருந்தது. மக்கள் ஒன்றுபட்டு போராடுவதை சமாளிக்க முடியாத ஆங்கிலேய அரசு, அவர்களிடையே பிரிவினையை ஏற்படுத்த திட்டமிட்டது. அதன்படி, வங்கத்தை கிழக்கு மற்றும் மேற்கு என்று இரண்டாகப் பிரிப்பதாக, 1905 அக்டோபர் 16ல், வைஸ்ராய் கர்சன் அறிவித்தார். ஒடிஸாவுடன் இணைக்கப்பட்ட மேற்கு வங்காளம், 141,580 சதுர மைல் பரப்பளவையும் 5.4 கோடி மக்கள் தொகையும் கொண்டதாக அமைந்தது. இதில் இந்துக்கள் 4.2 கோடி பேர், முஸ்லிம்கள் 1.2 கோடி பேர். அஸ்ஸாமுடன் இணைக்கப்பட்ட கிழக்கு வங்காளம், 106,540 சதுர மைல்கள் பரப்பளவையும், 3.1 கோடி மக்கள் தொகையும் கொண்டதாக அமைந்தது. இதில் 1.3 கோடி பேர் இந்துக...

ஆங்கிலேயர் ஆட்சிக் காலத்தில், இந்தியாவில் அச்சு எந்திர தொழில்நுட்பம் முன்னேற்றம் அடையத் தொடங்கியது. ஜேம்ஸ் அகஸ்டஸ் ஹிக்கி (James Augustus Hicky) என்பவர், 1780ம் ஆண்டு ஜனவரி 29ல், பெங்கால் கெசட் (Bengal gazette) என்ற செய்தி இதழை வெளியிட்டார். இதுதான், இந்தியாவில் அச்சிடப்பட்ட முதல் செய்தித்தாளாக கருதப்படுகிறது. 12 x 8 (அங்குலம்) என்ற அளவில், இரண்டு பக்க வார இதழாக, ஆங்கிலத்தில் பெங்கால் கெசட் வெளியானது. இங்கிலாந்து இதழ்களில் வெளியான செய்திகள், விளம்பரங்கள், கடிதங்கள் முதலியன இந்த இதழில் இடம் பெற்றன. ஆங்கில அரசின் முறையற்ற செயல்களையும், அதிகாரிகளின் தனிப்பட்ட வாழ்க்கையையும், கிண்டலடிக்கும் நடையில் செய்திகள் வெளியாகின. அப்போதைய ஆளுநர் வாரன் ஹேஸ்டிங்ஸ், அவரது மனைவி, உச்ச நீதிமன்ற நீதிபதி எலிஜா இம்பே ஆகியோர் பற்றியும் செய்திகளை வெளியிட்டார். அதனால் ஹிக்கி, சிறையில் அடைக்கப்பட்டார். சிறைக்குள் இருந்துகொண்டே, ஆளுனருக்கு எதிராக எழுதி, பத்திரிகையில் வெளியிட்டார். ஆத்திரமடைந்த வாரன் ஹேஸ்டிங், பத்திரிகை இயந்திரங்களை பறிமுதல் செய்தார். இதனால், இரண்டே ஆண்டுகளில், அதாவது 1782 மார்ச் மாதம் பெங்...

ஜப்பான் பொருட்களுக்கு என்றைக்குமே ஒரு மதிப்புண்டு. மலிவான பொருட்களுக்கு சீனா உதாரணம் என்றால், தரமான பொருட்களுக்கு ஜப்பான் உதாரணம். இந்தியாவும், நம் அண்டை நாடான சீனாவும், ஐரோப்பிய காலனிய ஆட்சிக் காலத்தில், பெரும் சீரழிவைக் கண்டன. அதன் தாக்கத்திலிருந்து இன்றளவும் நம்மால் மீள முடியாத நிலையில், ஜப்பான் மட்டும் உலக வல்லரசுகளில் ஒன்றாக மாறியது என்பது ஆச்சர்யமான விஷயம். ஜப்பானில், 19வது நூற்றாண்டில் ஏற்பட்ட ‘மெய்ஜி புரட்சி’ அல்லது ‘மெய்ஜி மீட்சி’ என்ற நிகழ்வே, அந்நாட்டு வரலாற்றில் புதிய அத்தியாயத்தைத் தோற்றுவிக்க காரணம். புவியமைப்பு ரீதியாக, ஜப்பானில் நான்கு பெரிய தீவுகளும், ஆயிரக்கணக்கான சிறிய தீவுகளும் உண்டு. பண்டைய காலம் தொட்டே இந்த தீவுகளில், பல்வேறு ஆட்சிகள் நடந்து வந்தன. 17ம் நூற்றாண்டில் ‘டொகுகவா ஷோகன்கள்’ (The Tokugawa shogunate) என்ற ராணுவக் குழுக்கள், ஜப்பானுடைய பெரும்பகுதியை ஆட்சிபுரிந்தன. 1860களில் யோஷினோபு (Tokugawa Yoshinobu) என்பவர், ஜப்பானை ஆண்டு கொண்டிருந்தார். அவரது காலத்தில், நிலப்பிரபுத்துவ அமைப்பு நிலவியது. பெரும்பாலான நிலம் ஒரு சில பண்ணையாளர்களுக்குச் சொந்தமாக இருந்தது...

பண்டைய ஒலிம்பிக் போட்டியில், பத்து விளையாட்டு நிகழ்ச்சிகளுக்கு மேல் நடைபெற்றதே இல்லை. ஆண்கள் மட்டும் பங்குகொண்ட, 200 மீட்டர் பந்தயமும், ‘டபுள் கோர்ஸ்’ என்ற 400 மீட்டர் ஓட்டப்பந்தயமும், ‘லாங் ரேஸ்’ என்ற 4.5 கி.மீ., மீட்டர் பந்தயமும் நடைபெற்றன. பென்ட்டாத்தலான் (Pentathlon) என்ற நிகழ்வில், ஓட்டப்பந்தயம், நீளம் தாண்டுதல், வட்டத்தட்டு வீசுதல், ஈட்டி எறிதல், மல்யுத்தம் ஆகிய போட்டிகள் நடத்தப்பட்டன. 1,600 மீட்டர் தூரத்திற்கு ரதம் ஓட்டும் போட்டி முக்கியமானது. அன்றைய நிகழ்ச்சிகளிலேயே மிகவும் பிரசித்தி பெற்றது, ரதம் ஓட்டுவதுதான்; உயர்குடியைச் சேர்ந்த பணக்காரர்கள், ரத போட்டியை மிகவும் ஆதரித்தனர். காரணம், ரதம் ஓட்டுபவர் போட்டியில் ஜெயித்ததாக கருதப்படவில்லை. ஆனால், அந்த ரதம் மற்றும் குதிரைகளின் சொந்தக்காரர்களே கவுரவப்படுத்தப்பட்டனர். இந்தப் போட்டியின் துவக்கநிலைதான், மிக முக்கியமானது; ரதம் ஓட்டுபவர்கள் எல்லாரும் அவரவருக்குரிய பாதையிலேயே செல்ல வேண்டும். அதுமட்டுமின்றி, பாதையின் இரு துருவத்திலும் இருந்த கம்பங்களை சுற்றி வரும்போதும், பாதை மாறாமல் செல்ல வேண்டியிருந்தது. தவறினால் விபத்து ஏற்பட்டுவிட...

நவீன அரசியல் சிந்தனைகளில் முக்கிய இடத்தை பிடித்திருப்பவர், மாக்கியவல்லி (Niccolo Machiavelli). இவர், இத்தாலியிலுள்ள பிளாரன்சில், 1469ம் ஆண்டில் பிறந்தார். 1498ல், பிளாரன்ஸ் குடியரசில் சேர்ந்து, சில முக்கிய அதிகார பொறுப்புகளை வகித்தார். பிளாரன்ஸ் நாட்டின் தூதுவராக பிரான்ஸ், ஜெர்மனி போன்ற நாடுகளுக்குச் சென்று வந்தார். இத்தாலியிலும் விரிவாகச் சுற்றுப்பயணம் செய்தார். பிளாரன்ஸ் குடியரசு, 1512ம் ஆண்டில் கவிழ்க்கப்பட்டது. ஆட்சியைக் கைப்பற்றிய மெடிசி மரபினர், மாக்கியவல்லியை சதிக் குற்றச்சாட்டின் பேரில் கைது செய்தனர். எனினும், மன்னிப்பு கேட்டு மன்றாடியதால், அதே ஆண்டில் அவர் விடுதலையடைந்தார். அதன் பின்னர், பிளாரன்சுக்கு அருகிலிருந்த சான்காசியோனோ என்ற ஒரு பண்ணையில் தனிமையில் வாழ்ந்து வந்தார். மாக்கியவல்லியின் இறுதிக்காலம் வரை, இத்தாலி பல சிறிய சிற்றரசுகளாகப் பிளவுபடடுக் கிடந்தது. அதே சமயம், பிரான்ஸ், ஸ்பெயின், இங்கிலாந்து போன்றவை ஒருங்கிணைந்த வலிமையான நாடுகளாக விளங்கின. இத்தாலி பண்பாட்டில் உயர்ந்து விளங்கிய போதும், ஏன் பலமிக்க நாடாக உயர முடியவில்லை என்ற கேள்வி மாக்கியவல்லியைத் தீவிரமாக யோசிக்க...

ஓபியம் அல்லது அபின் போர் (Opium War 1839–42) என்பதற்கு, நவீன சீன வரலாற்றில் முக்கிய இடம் உண்டு. பிரிட்டிஷார் உலகின் பல நாடுகளை காலனி ஆதிக்கத்துக்கு உட்படுத்தியிருந்த சமயம் அது. தங்கள் தேவைக்காக தேயிலை, பட்டு, பீங்கான் பாத்திரங்கள் போன்ற பொருட்களை சீனாவில் இருந்து ஐரோப்பிய நாடுகள் இறக்குமதி செய்தன. அதேசமயம், ஐரோப்பாவில் உற்பத்தி செய்யப்படும் பொருட்களை சீனர்கள் இறக்குமதி செய்யவில்லை; தன்னிறைவாக இருந்தனர். இதனால், சீனா பொருளாதாரத்தில் வளர்ச்சி கண்டது. பிரிட்டிஷ் காலனி ஆட்சியாளர்கள், இதைக் கண்டு ஆத்திரமடைந்தனர். இந்தியாவில் அவர்கள் இலகுவாக காலூன்ற முடிந்தாலும், சீனாவில் அது சாத்தியப்படவில்லை. இதையடுத்து, தந்திரமான ஒரு யோசனையை பிரிட்டன் கையாண்டது. அதாவது, சீனாவில் போதைப்பொருளை விற்பதன் மூலம், இளைஞர்களை பாழாக்கி பொருளாதாரத்தைக் கைப்பற்றலாம் என்பது பிரிட்டனின் திட்டம். இதையடுத்து, இந்தியாவிலும், வங்காள பகுதிகளிலும் பிரிட்டன் அபின் உற்பத்தியில் ஈடுபட்டது. அதை, சீனாவில் இறக்குமதி செய்தது பிரிட்டன். இளைஞர்கள் போதைப் பொருளுக்கு அடிமையானதால், பிரிட்டனின் வியாபாரம் அமோகமாக நடந்தது. போதைப்பொருள் பழ...

செங்கிஸ்கான் சுமார் 800 ஆண்டுகளுக்கு முன் வாழ்ந்த பேரரசர். ஆனால், இன்று அவரைப் பற்றி படித்தாலும், பிரமிப்பும் மிரட்சியும் ஏற்படும். காரணம், அவரது போர்த்திறன், ஆளுமை மற்றும் வலிமை அத்தகையது. சீனாவுக்கும், ரஷ்யாவுக்கும் இடையே அமைந்திருக்கும் வறண்ட பகுதியான மங்கோலியாவில் உள்ள டெல்லுங் போல்டாக் எனும் இடத்தில், 1162-ம் ஆண்டு பிறந்தார் செங்கிஸ்கான். அவரது இயற்பெயர் "தெம் மூ சின்". அவருடைய காலத்தில், மங்கோலியா என்ற ஒரு தேசமே கிடையாது. மாறாக, பல நாடோடிக் கூட்டங்களாக மங்கோலிய மக்கள் சிதறிக் கிடந்தனர். நாடோடி குழுக்களின் சண்டையில், தந்தையும் நண்பர்களும் கொல்லப்பட, 12 வயதிலேயே போருக்கு பழக்கப்பட்டார் செங்கிஸ். தனது, 40 வயதுவரை மங்கோலியரை அடக்கி, ஒரே இனமாக சேர்க்க அவர் ஏராளமான சிரமங்களை அனுபவித்தார். நாடோடிக் குழுக்களை ஒருங்கிணைத்து, ‘மங்கோலியா’ என்ற வலிமையான தேசத்தை உருவாக்க வேண்டும் என்று செங்கிஸ் கனவு கண்டார். தன் துணிச்சலாலும், துடிதுடிப்பாலும் அவர் மங்கோலியப் பேரரசைக் கட்டமைக்க விரும்பினார். 1206-ல், மங்கோலிய இனக்குழுக்களை இணைத்து, மங்கோலியப் பேரரசை கட்டமைத்தார். மேலும், ...